A unidade do mundo mediterráneo, que tivera no Imperio romano a súa expresión política, comezou a debilitarse a partir do século III. As crecentes diferenzas entre as rexións occidentais e orientais do Imperio culminaron coa súa división en dous a finais do século IV. O Imperio de Occidente sucumbiu na seguinte centuria ante o empuxe xermánico. Mentres, o Imperio de Oriente foi quen de sobrevivir ata o século XV e as súas ligazóns con Occidente fóronse debilitando.
A mediados do século VII, o Islam, orixinario da Península Arábiga, irrompeu neste espazo conquistando o Próximo Oriente e o Norte de África.
 |
| Evolución territorial do Imperio Romano Atribución: CC-BY-SA-3.0 Roke, via Wikimedia Commons |
